Text piesne - Стоїть шугай під нашым облачком

Стоїть шугай під нашым облачком

Стоїть шугай під нашым облачком.
Стоїть шугай під нашым облачком,
стоїть, стоїть а потіхы волат,
отвор дьівча - фраїрочка моя.

А я бы тьі рада отворіла,
мама кльучі до коморы скрыла.
Гваріть: Дьівче невір речам планым,
він тьі сльубіт, бо ші не єс за нім.

Алье кедь тьа раз до рук достане,
та тьа біті ньіґда непрестане.
А што біті, алье і караті,
та ці на то я тьа мам ховаті.

Ой мамочко, отец вас тіж більі
і так сте ша за нього видальі.
Вы терпільі, я терпіті буду,
за Яньічка без дозволу піду.

Слухайте пісню за адресою: https://youtu.be/6g3WntBd4fk