Text piesne - Ej, pid zelenym dubom, ej, stojiť kiň kovanyj

Ej, pid zelenym dubom, ej, stojiť kiň kovanyj

1.
Ej, pid zelenym dubom, ej, stojiť kiň kovanyj
/ : sidiť na nim sidiť, sidiť na nim sidiť,
šuhaj maľovanyj. : /
2.
Ej, sidiť vin, sidiť vin, ej počav list pisati,
/ : bo joho frajirka, bo joho frajirka,
bude kolisati. : /
3.
Ej kolisati bude, prežalostni plakati,
/ : zradiv jes ňa milyj, zradiv jes ňa milyj,
taj nechočeš vzjati. : /
4.
Ej, ne ja tebe zradiv, ej samas sja zradila,
/ : čom jes každyj večor, čom jes každyj večor,
len za mnou chodila
5.
Ej, iď ty frajiročko, len do sklepa mojoho,
/ : napij sja tam napij, napij sja tam napij,
vinka červenoho. : /
6.
Ej, bo druhy divočky, vijuť sobi vinočky,
/ : ty budeš skladati, ty budeš skladati,
bily pelenočky. : /