Text piesne - Ja sobi divča jak ruža

Ja sobi divča jak ruža

Ja sobi divča jak ruža,
nechcu pijaka za muža.
A lem ja choču takoho,
žeby mňa ľubil, ja joho.
|: Kvitočky červeny i bila ľalija,
daj mi Pane Bože šumnoho frajira. :|

Našla ja sobi šuhaja,
počarovnoho beťara.
Išli sme vjedno do haju,
s velikom zajdom na travu.
|: Kvitočky červeny i bila ľalija,
daj mi Pane Bože šumnoho frajira. :|

Dokym sme prišli do haju,
nažali sme sobi travu.
Travnica byla vše povna,
ta postiľočka hotova.
|: Kvitočky červeny i bila ľalija,
daj mi Pane Bože šumnoho frajira. :|

Hvizdočky z neba svitili
a my sja virno ľubili.
Rosička z neba padala,
ja s milym v haju zaspala.
|: Kvitočky červeny i terňova ruža,
ďakuju Ti, Bože, za dobroho muža. :|

Ked divča v haju nočujet,
naj si vybavu rychtujet.
A ku vybavi kolysku,
tak i perstinčok na ručku.
|: Kvitočky červeny i terňova ruža,
ďakuju Ti, Bože, za dobroho muža. :|