Text piesne - Na čerešňi u sadočku vyschla haluzočka

Na čerešňi u sadočku vyschla haluzočka

Na čerešňi u sadočku vyschla haluzočka,
napisala mi pisemko moja frajiročka.
/ : Ne barz dovhe, pri korotke, lem slovičok paru,
že keď Boh dasť, dočekam sja velikoho daru. : /

Odyšov jem v svit dalekyj robotu hľadati
a Haňički ne zabyv jem toto nakazati.
/ : Žeby na ňa choc dovšyj čas virno počekala,
o moju mať i svoju česť by sja postarala. : /

Ťažko bylo mi v čudžiňi robotu hľadati
anim ne mal koli domiv pismo napisati.
/ : Bo ja šyrym svitom bludiv štiri dovhy ročky
a mami jem ne napisal ani dva rjadočky. : /

Jak jem išov od mašyny, tam de je mamočka,
prišla ku mi otorhana šuvna ďitinočka.
/ : A tak ona mi povila, žebym sja zľutoval,
žeby jem jej i materi chľiba podaroval. : /

Keď jem sja chlopčika prosiv, čija je ďitina
Vin mi takoj tak odpoviv, že je lem mamina.
/ : Že joho mať poza chyžu ťažko travu kosiť
a ja neznav, že to mij syn od ňa chľiba prosiť. :/