Text piesne - Pid zelenov horov

Pid zelenov horov

Pid zelenov horov maleňka chyžočka
a v ňij sama žyje stareňka žinočka.
Sama ona sama ňit pri ňej nikoho,
bo jej ďiti pišli do svita šyroho.

Každe bože rano molitvov začinať
uboha v samoťi na ďiti spománať.
Ťažko vychovala ďitá svoji štiri
a už treťa zima jak pri ňoj ne byli.

Choroba i starisť začli ju trapiti,
na stary koľina ňit ju chto obyjti.
V pecu jej ne horiť, chyžočka cholodna,
už vece jak syta ona je holodna.

Pomož jej Božičku jari sja dožyti,
zelenu travičku išči uviďiti.
By išči viďila peršy lasťivočky,
jak bude siďiti vonka na lavočki.

Nechoče prijati po nočoch nikoho,
lem vse vyčekuje synačka svojoho.
Synačka svojoho i svoju ďivočku,
že priduť kuknuti na svoju mamočku.